Monday 8 November 2010

എന്റെ ചൈന

പ്രസാദേട്ടന്‍ ഞങ്ങളുടെ കുടുംബത്തിലെ ഒരംഗം പോലെയായിരുന്നു. കുട്ടിക്കാലം മുതല്‍ക്കേ പരിചയമുള്ള മുഖം. തികഞ്ഞ കമ്മ്യുണിസ്റ്റ് ഭക്തന്‍, മാതൃ രാജ്യത്തെക്കാളും ചൈനയോടാണ് പ്രിയം. അറബിക്കഥയിലെ "ക്യുബാ മുകുന്ദന്‍ " പ്രസാദേട്ടന്റെ ഏഴയലത്ത് വരില്ല. കമ്മ്യുണിസ്റ്റ് ആശയത്തില്‍ അടിയുറച്ച ജീവിതത്തിനിടയില്‍ ഉണ്ടായ സാമ്പത്തിക പ്രതിസന്ധി മറികടക്കാനായി പുള്ളിക്കാരനും കടല്‍ കടന്നു. കുത്തക മുതലാളിക്ക് മുമ്പില്‍ അഹോരാത്രം കടിനാദ്വാനം ചെയുമ്പോഴും മനസ്സ് സ്വാതന്ത്ര്യ തൊഴിലാളി ഐക്യത്തെ കുറിച്ചുള്ള പാവന സങ്കല്പത്തില്‍ ആയിരുന്നു.


ഗള്‍ഫുകാല അവധിയിലെ മിക്ക ദിവസങ്ങളിലും വൈകുന്നേരം അച്ഛനുമായി നീണ്ട സംവാദത്തില്‍ ഏര്‍പെടുന്നത് പ്രസാദേട്ടനു ഹരമാണ്. ചൈനയും ക്യുബയും മാറി മാറി വിഷയങ്ങളായി വരുമ്പോള്‍ ഒരു രസത്തിനു ഞങ്ങളും ഏറ്റുപിടിക്കും, തോല്പിക്കാം പറ്റുമെന്നുള്ള അമിതാവേശം ഞങ്ങള്കില്ലന്കിലും തീയതിയും കണക്കും വെച്ച് ഉരുളക്കുപ്പേരി പോലെ മറുപടികള്‍ വന്നുകൊണ്ടിരിക്കും.


ചൈനയില്‍ നടന്ന ഒള്യ്മ്പിക്സിനെ കുറിച്ച് പറഞ്ഞപ്പോള്‍ കല്മാടിയെ തൂക്കണംമെന്നാണ് പുള്ളിയുടെ അഭിപ്രായം, അഴിമതിയില്ലാത്ത, സ്വാതന്ത്ര്യ ബോധമുള്ള , പുരോഗമനാശയമുള്ള ചൈനയാണ് നാം മാതൃക യാക്കേണ്ടത് എന്നുള്ള അടിക്കുറിപ്പോടെ സംഭാഷണം അവസാനിപ്പിച്ച്‌ പ്രസാദേട്ടന്‍ പോകും,


അങ്ങനെയിരിക്കെ കഴിഞ്ഞദിവസം ഫോര്‍വേടായി കിട്ടിയ ഒരു മെയില്‍ എന്റെ കണ്ണില്‍ പെട്ടു. ഹാന്‍ എന്ന ഒരു ബ്ലോഗരെ കുറിച്ചുള്ള വാര്‍ത്തയായിരുന്നു അത്. ആക്ഷേപ ഹാസ്സ്യതിലൂടെ  ചൈനക്കുള്ളില്‍  നടക്കുന്ന അഴിമതിയും , സ്വജന പക്ഷപാതവുമെല്ലാം തുറന്നു കാട്ടുന്ന രാജനകള്‍ ആയിരുന്നു  ഹാനിന്റെ ബ്ലോഗിലുള്ളത്, കൂടുതല്‍ സെര്‍ച്ച്‌ ചെയ്തപ്പോള്‍ ദിവസവും നാല് നൂഡില്‍സ് പായ്കറ്റിനായി പന്ത്രണ്ടു മണിക്കൂറിലേറെ ജോലിനോക്കുന്ന തൊഴിലാളികള്‍ , നേഴ്സറി സ്കൂളില്‍ കടന്നു കയറി പിഞ്ചു കുഞ്ഞുങ്ങളെ അരുംകൊലചെയ്യുന്നവര്‍ , പൌര സ്വാതന്ത്ര്യവും പത്ര സ്വാതന്ത്ര്യവും നിശേധിച്ചു കൊണ്ടുള്ള സര്‍ക്കാരിന്റെ ഇടപെടലുകള്‍ , നോബല്‍ സമ്മാനം ലഭിച്ച വ്യക്തിയെ അനുകൂലിച്ചവരെ പോലും ജയിലില്‍ അടകുന്നവര്‍ , ഹാനിന്റെ ബ്ലോഗ്ഗിലൂടെ കിട്ടിയ അറിവുമായി ഞങ്ങള്‍ പ്രസാദേട്ടനെ കാത്തിരുന്നു,

 പഞ്ചായത്ത് തിരഞ്ഞെടുപ്പായിരുന്നു അന്നത്തെ വിഷയം, കമ്മ്യുണിസ്റ്റ് പാര്‍ട്ടിക്ക്  നേരിട്ട പരാജയത്തെ കുറിച്ച് അച്ഛന്‍ ചോദിച്ചപ്പോള്‍   തിരഞ്ഞെടുപ്പില്‍ ഞങ്ങള്‍ വിശ്വസിക്കുന്നില്ല എന്നായിരുന്നു മറുപടി, ചര്‍ച്ചയെ വഴിതെറ്റിച്ചു കൊണ്ട്  ഹാനിന്റെ ബ്ലോഗിനെ കുറിച്ചും ചൈനയിലെ സ്വാതന്ത്ര്യ മില്ലയമയെ കുറിച്ചും ഞാന്‍ വാതോരാതെ പറഞ്ഞു,

എല്ലാം നിശബ്ദം കേട്ടുകൊണ്ടിരുന്ന പ്രസാദേട്ടന്‍  ഒടുവില്‍ എന്റെ വാദഗതികളെ   ഒന്നന്നായി ഖണ്ഡിക്കാന്‍ തുടങ്ങി. ഇതൊക്കെ ചൈനയ്ക്കു പുറത്തു നിന്ന് ചൈനയ്ക്കെതിരെ ശബ്ദിക്കുന്നവരാണ്.   ഹാന്‍ ചൈനക്കാരന്‍ അല്ലായിരിക്കാം  അമേരിക്കയുടെയോ മറ്റു മുതലാളിത്ത രാജ്യങ്ങളുടെ സൃഷ്ടി ആണിവര്‍,

ചൈനയില്‍ നിന്നും എഴുതുന്ന ചൈനാക്കാരനായ ബ്ലോഗറാണ് ഹാനെന്നു ഞാനും..... 

....ഇല്ല്ല, തീര്ച്ചയായും   അദേഹം ചൈനാക്കാരനല്ല, ആയിരുന്നെങ്കില്‍ എന്നേ സര്‍ക്കാര്‍ അയാളെ തൂക്കില്‍ ഏറ്റിയേനെ ......

കേട്ടുകൊണ്ടിരുന്ന ഞങ്ങള്‍ സ്തബ്ധരായി, എന്തോ അബദ്ധം പറഞ്ഞതു‍പോലെ പ്രസാദേട്ടന്‍ ഒരുനിമിഷം മൌനിയായി.. 

4 comments:

  1. "....ഇല്ല്ല, തീര്ച്ചയായും അദേഹം ചൈനാക്കാരനല്ല, ആയിരുന്നെങ്കില്‍ എന്നേ സര്‍ക്കാര്‍ അയാളെ തൂക്കില്‍ ഏറ്റിയേനെ ......"

    അതു കലക്കി
    പക്ഷെ ആര്‍ക്കു മനസ്സിലാകാന്‍
    :)

    ReplyDelete
  2. ഹ ! ഹ ...അത് കലക്കി. സത്യം എന്നായാലും പുറത്തു വരും എന്ന് പറഞ്ഞ പോലെ..

    ReplyDelete

അഭിപ്രായം അര്‍ഹിക്കുന്നു എങ്കില്‍ വെറുതെ പോകരുത്. ഇത് ഒരു അഭിപ്രായം മാത്രം.